മൂവാറ്റുപുഴ: സ്കൂളില്‍ പോയ വിദ്യാര്‍ഥിനിയെ സ്കൂട്ടറില്‍ എത്തി അപമാനിച്ച യുവാവ് പോലീസ് കസ്റ്റഡിയിൽ. മുളവൂര്‍ ഈസ്റ്റ്വാഴപ്പിള്ളി നിരപ്പ് ഭാഗത്ത്‌ വാരിക്കാട്ട് പുതിശ്ശേരിക്കല്‍ വീട്ടില്‍ ഷാനിയെയാണ് (26) പോക്സോ കേസില്‍ മൂവാട്ടുപുഴ പോലീസ് അറസ്റ്റ് ചെയ്തത്. നഗരത്തിലെ മീന്‍ സ്റ്റാള്‍ ഉടമയാണ് പ്രതി.
ഇയാള്‍ അതിരാവിലെ സ്കൂളില്‍ പോകുന്ന വിദ്യാര്‍ഥിനികളോട് മോശമായി പെരുമാറുന്നതായി നിരവധി പരാതികൾ ലഭിച്ചിരുന്നു. സമീപത്തെ സി.സി.ടി.വി. ദൃശ്യങ്ങള്‍ പരിശോധിച്ച്‌ പ്രതിയെ കസ്റ്റഡിയിലെടുക്കുകയായിരുന്നു.
ഇന്‍സ്പെക്ടര്‍ സി.ജെ. മാര്‍ട്ടിന്‍, എസ്. ഐ ആര്‍. അനില്‍കുമാര്‍, എ.എസ്.ഐ സി.എസ്. അലി, സി.പി.ഒ ദിലീഷ് എന്നിവരടങ്ങുന്ന അന്വേഷണ സംഘമാണ് പ്രതിയെ പിടികൂടിയത്.
