തിരുവനന്തപുരം: സംസ്ഥാനത്ത് 48 പേര്ക്ക് കൂടി ഒമിക്രോണ് ബാധിച്ചതായി ആരോഗ്യ വകുപ്പ് മന്ത്രി വീണാ ജോര്ജ്. കോഴിക്കോട് 12, എറണാകുളം 9, തൃശൂര് 7, തിരുവനന്തപുരം 6, കോട്ടയം 4, മലപ്പുറം 2, കൊല്ലം, ഇടുക്കി, ആലപ്പുഴ, പാലക്കാട്, വയനാട് ഒന്ന് വീതം എന്നിങ്ങനെയാണ് ജില്ലകളിൽ ഒമിക്രോണ് സ്ഥിരീകരിച്ചതിന്റെ കണക്ക്. ഇതുകൂടാതെ യുഎഇയില് നിന്നും വന്ന 3 തമിഴ്നാട് സ്വദേശികള്ക്കും ഒമിക്രോണ് ബാധിച്ചു.
33 പേര് ലോ റിസ്ക് രാജ്യങ്ങളില് നിന്നും 2 പേര് ഹൈ റിസ്ക് രാജ്യങ്ങളില് നിന്നും വന്നതാണ്. 9 പേര്ക്ക് സമ്പര്ക്കത്തിലൂടെയാണ് ഒമിക്രോണ് ബാധിച്ചത്. ഇതോടെ സംസ്ഥാനത്ത് ആകെ 528 പേര്ക്കാണ് ഒമിക്രോണ് സ്ഥിരീകരിച്ചത്.