തിരുവനന്തപുരം: സംസ്ഥാനത്ത് റേഷന്‍ വിതരണം തുടർച്ചയായ ആറാം ദിവസവും മുടങ്ങി. സെര്‍വര്‍ തകരാറിനെത്തുടര്‍ന്നു റേഷന്‍കടകളിലെ ഇ-പോസ് മെഷീനുകള്‍ നിശ്ചലമായതോടെയാണ് തുടരെ റേഷന്‍ വിതരണം മുടങ്ങിയത്.
ബിപിഎല്‍, എ.എ.വൈ. വിഭാഗങ്ങള്‍ക്കായി കേന്ദ്രം നല്‍കുന്ന സ്പെഷല്‍ അരി വിതരണം പൂർണ്ണമായി മുടങ്ങിയിരിക്കുകയാണ്. പകരം മറ്റൊരു വിതരണ സംവിധാനം ഒരുക്കിയിട്ടുമില്ല. ഇ-പോസ് മെഷീന്‍ തകരാര്‍ ഇനിയും പരിഹരിച്ചില്ലെങ്കില്‍ സംസ്ഥാനത്തെ അതിദരിദ്ര വിഭാഗങ്ങള്‍ പട്ടിണിയിലേക്കു നീങ്ങുന്ന സാഹചര്യമാണ് നിലവിലുള്ളത്.
സെര്‍വര്‍ തകരാര്‍ പരിഹരിക്കാന്‍ സര്‍ക്കാര്‍ തയ്യാറാകുന്നില്ലെന്ന വ്യാപക വിമർശനമാണ് ഉയരുന്നത്.
