വൈക്കം : യാത്രക്കാരിയോട് മോശമായി പെരുമാറിയ സംഭവത്തില് വൈക്കം ഡിപ്പോ കണ്ടക്ടര് പി. പി അനിലിനെ സര്വീസില് നിന്ന് പിരിച്ചുവിട്ടു. യാത്രക്കാരിക്ക് ടിക്കറ്റ് നല്കുന്ന സമയത്ത് അപമര്യാദയായി പെരുമാറിയെന്ന് അന്വേഷണത്തില് തെളിഞ്ഞതിനെ തുടര്ന്നാണ് അനിലിനെതിരെ നടപടി.
കഴിഞ്ഞ നവംബര് 25 നാണ് കേസിനാസ്പദമായ സംഭവം. ടിക്കറ്റ് നല്കുമ്പോള് യാത്രക്കാരിയോട് പ്രതി അപമര്യാദയായി പെരുമാറുകയായിരുന്നു. സംഭവത്തില് അന്ന് തന്നെ പെണ്കുട്ടി പൊലീസില് പരാതി നല്കിയിരുന്നു.
കണ്ടക്ടറുടെ പ്രവൃത്തി കോര്പറേഷന്റെ സല്പ്പേരിന് കളങ്കമുണ്ടാക്കിയെന്നും അന്വേഷണത്തില് വിലയിരുത്തുകയുണ്ടായി. സംഭവത്തെ കുറിച്ച് അനിലിനോട് വിശദീകരണം തേടിയിരുന്നെങ്കിലും അതുണ്ടാകാത്ത സാഹചര്യത്തിലാണ് നടപടി.