കൊല്ലം: വീട്ടിലെത്തി ദമ്പതികളെ ആക്രമിക്കുകയും പൊലീസ് ജീപ്പ് അടിച്ചുതകര്ക്കുകയും ചെയ്തയാള് പിടിയില്. വടക്കേവിള മുള്ളുവിള വാറുതുണ്ടില് വീട്ടില് ബൈജുവാണ് (46) അറസ്റ്റിലായത്.
കഴിഞ്ഞ ദിവസം വെളുപ്പിന് കൊച്ചു കൂനമ്പായിക്കുളം കുഞ്ഞാറ്റ വീട്ടില് ശ്രീകാന്തിനേയും ഭാര്യ ഹില്ഡയേയും ഇയാള് വെട്ടുകത്തി കൊണ്ട് ആക്രമിക്കുകയായിരുന്നു. വീടിന്റെ വാതില് വെട്ടിപ്പൊളിക്കാന് ശ്രമിച്ച പ്രതി ലൈറ്റുകളും ജനല് ഗ്ലാസുകളും അടിച്ച് തകര്ക്കുകയും ചെയ്തു. മതില് ചാടിക്കടന്ന ഇയാളോട് പുറത്തുപോകാന് ആവശ്യപ്പെട്ടത്തില് പ്രകോപിതനായാണ് അക്രമം നടത്തിയത്.
ഇവരുടെ നിലവിളി കേട്ട് സമീപവാസികള് വിവരം പൊലീസിനെ അറിയിക്കുകയായിരുന്നു . ഇരവിപുരം, കണ്ട്രോള് റൂം സംഘങ്ങളെത്തി ഇയാളെ പിടികൂടി ജീപ്പില് കയറ്റിയെങ്കിലും കുതറിമാറി പുറത്തിറങ്ങിയ ഇയാള് ഇരവിപുരം സ്റ്റേഷനിലെ ജീപ്പിന്റെ ഗ്ലാസുകള് അടിച്ചു തകര്ക്കുകയും ചെയ്തിരുന്നു.