കോഴിക്കോട്: കഴിഞ്ഞദിവസം ട്രെയിനില് പോലീസിന്റെ മര്ദനത്തിന് ഇരയായ കൂത്തുപറമ്പ് സ്വദേശിയെ കണ്ടെത്തി. നിര്മലഗിരി പതിനൊന്നാംമൈല് തൈപ്പറമ്പത്ത് വീട്ടില് കെ. ഷമീറിനെ (45) കോഴിക്കോട് ലിങ്ക് റോഡില് വച്ചാണ് കണ്ടെത്തിയത്.ഇയാളെ കോഴിക്കോട് ആര്പിഎഫ് ഓഫീസിലെത്തിച്ചു.
എഎസ്ഐയുടെ മര്ദനശേഷം ഇയാളെ വടകര സ്റ്റേഷനില് ഇറക്കിവിട്ടുവെന്ന് പോലീസ് പറഞ്ഞിരുന്നതെങ്കിലും ഷമീറിനെ കുറിച്ച് യാതൊരു വിവരവും ബന്ധുക്കള് ഉള്പ്പെടെയുള്ളവര്ക്ക് ലഭിച്ചിരുന്നില്ല.
മോഷണം, പീഡനം, മര്ദനം തുടങ്ങി ആറു കേസുകളില് പ്രതിയായിരുന്ന ഷമീർ ഒരു കളവ് കേസില് ശിക്ഷിക്കപ്പെട്ടിട്ടുണ്ടെന്നും പോലീസ് പറഞ്ഞു.