കുന്നംകുളം: യുവാവിനെ ക്രിസ്മസ് ദിനത്തിൽ തോക്കുചൂണ്ടി ഭീഷണിപ്പെടുത്തിയ കേസില് നാല് പ്രതികള് പിടിയില്. സ്രായിക്കടവില് അപകട രീതിയില് ജനങ്ങള്ക്കിടയിലൂടെ ബൈക്കുമായി അഭ്യാസം നടത്തിയത് ചോദ്യം ചെയ്തതിനാണ് യുവാവിനെ പ്രതികൾ ഭീഷണിപ്പെടുത്തിയത്.
ചങ്ങരംകുളം അയിനിച്ചോട് സ്വദേശികളായ കൊട്ടാരത്തു വളപ്പില് മുബഷീര് (20), അമയില് തെക്കുവളപ്പില് വീട്ടില് മുഹമ്മദ് ബാസില് (22), കിഴിഞ്ഞാലില് വീട്ടില് ഷാബില് (18), പള്ളിക്കര മണ്ണാന് പടി വീട്ടില് ഫവാസ് (20) എന്നിവരെയാണ് പൊലീസ് പിടികൂടിയത്.
ക്രിസ്മസ് ദിനത്തില് സ്രായിക്കടവില് വിനോദ സഞ്ചാരത്തിനായി എത്തിയ നിരവധി ആളുകളുടെ ഇടയിലായിരുന്നു യുവാക്കളുടെ അപകടകരമായ അഭ്യാസം.
പ്രതികളെ കോടതിയില് ഹാജരാക്കി.