തമിഴ്നാട് : തമിഴ്നാട് തിരുനെൽവേലിയിലെ സ്കൂളിൽ ശുചിമുറി കെട്ടിടം തകർന്ന് മൂന്ന് കുട്ടികൾ മരിച്ച സംഭവത്തിൽ മൂന്നു പേർ അറസ്റ്റിൽ.ശുചിമുറി കെട്ടിടത്തിന് സമീപത്ത് സംസാരിച്ച് നില്ക്കുകയായിരുന്ന കുട്ടികളുടെ മുകളിലേക്കാണ് കെട്ടിടം തകര്ന്നുവീണത്. എട്ടാം ക്ലാസ് വിദ്യാര്ത്ഥികളായ ഡി വിശ്വരഞ്ജന്, കെ അന്പഴകന് , ആറാം ക്ലാസ് വിദ്യാർത്ഥിയായ ആര് സുതീഷ് എന്നിവരാണ് മരിച്ചത് . ഗുരുതര പരുക്കുകളോടെ മൂന്ന് കുട്ടികൾ ആശുപത്രിയിൽ ചികിത്സയിലാണ്.
സ്കൂൾ അഡ്മിനിസ്ട്രേറ്റർ സോളമൻ സെൽവരാജ്, പ്രധാനാധ്യാപിക ജ്ഞാനശെൽവി, കോൺട്രാക്ടർ എന്നിവരാണ് അറസ്റ്റിലായത്. എയ്ഡഡ് സ്കൂളായ ഷാഫ്റ്റര് ഹയര് സെക്കന്ഡറി സ്കൂളിലാണ് അപകടം നടന്നത്.