പൊന്നാനി: ഡി.ജെ മെമ്മോറിയല് ഇന്റര്നാഷനല് ഫോട്ടോഗ്രഫി മത്സരത്തില് വിജയിയായി മലയാളി യുവാവ്. പൊന്നാനി ചെറുവായ്ക്കര സ്വദേശി അഭിലാഷ് വിശ്വയാണ് 39 രാജ്യങ്ങളിൽ നിന്നുള്ള 2040 മത്സരാര്ഥികളുടെ 4385 എൻട്രികളുണ്ടായിരുന്ന മത്സരത്തിൽ ഒന്നാമതെത്തിയത്.
സൂര്യോദയം/സൂര്യാസ്തമയം എന്ന വിഷയത്തിലുള്ള മത്സരവിഭാഗത്തിലാണ് അഭിലാഷ് എടുത്ത ഉത്തരാഖണ്ഡ് ജിം കോര്ബെറ്റ് വന്യജീവി സങ്കേതത്തിൽ ആനകള് പുഴ മുറിച്ച് കടക്കുന്ന ചിത്രം തിരഞ്ഞെടുക്കപ്പെട്ടത്. ഏറ്റവും കൂടുതൽ സമ്മാനത്തുക ലഭിക്കുന്ന ഫോട്ടോഗ്രഫി മത്സരമായിരുന്നു ഇത്.
ഇതുകൂടാതെ പതിഞ്ഞിലധികം ദേശീയ, സംസ്ഥാന പുരസ്കാരങ്ങള് അഭിലാഷിന്റെ ചിത്രങ്ങൾക്ക് ലഭിച്ചിട്ടുണ്ട്. സ്വന്തം നാടായ പൊന്നാനിയുടെ ഭംഗി തന്നെയായിരുന്നു ആദ്യം എടുത്തിരുന്ന ചിത്രങ്ങൾ. ഇപ്പോഴും ഗ്രാമീണഭംഗിയും തെരുവോര കാഴ്ചയുമാണ് അഭിലാഷിന് ഏറ്റവും ഇഷ്ടമുള്ള ഫ്രെയിമുകൾ.
പൊന്നാനി സ്കോളര് കോളജില്നിന്ന് ഡിഗ്രി കഴിഞ്ഞ അഭിലാഷ് മൂന്ന് വര്ഷമായി വെഡിങ്,മോഡലിംഗ്, ട്രാവൽ തുടങ്ങിയ പ്രഫഷനല് ഫോട്ടോഗ്രഫി രംഗത്താണ് പ്രവർത്തിക്കുന്നത്.