നിലമ്പൂര്: നാല് വയസുകാരിയെ പീഢിപ്പിച്ച നാല്പ്പതുകാരന് 5 വര്ഷം കഠിന തടവും 3000 രൂപ പിഴയും ശിക്ഷ. എടക്കര മില്ലുംപടിയില് താമസിക്കുന്ന മേലാറ്റൂര് എടപ്പറ്റയിലെ സുകുമാരന് എന്ന നാണി(46)യെയാണ് നിലമ്പൂര് അതിവേഗ സ്പെഷല് കോടതി ജഡ്ജി കെ.പി ജോയ് ശിക്ഷിച്ചത്.
അഞ്ച് വര്ഷവും ഒരു മാസവും സാധാരണ തടവും 3000 രൂപ പിഴയും അടക്കണം. പിഴ അടച്ചില്ലെങ്കില് ഒരു മാസം സാധാരണ തടവ് അനുഭവിക്കണം.2020 മാര്ച്ച് 2ന് വൈകുന്നേരം ആറിന് എടക്കര മില്ലുംപടിയിലെ സുകുമാരന്റെ വാടക ക്വാര്ട്ടേഴ്സില്വെച്ച് പരാതിക്കാരിയുടെ മകളായ നാലുവയസുകാരിയെ ഗുരുതരമായ ലൈംഗിക അതികൃമത്തിന് വിധേയമാക്കിയെന്നായിരുന്നു കേസ്. എടക്കര പോലീസ് എസ്.ഐ അമീറലി, ഇന്സ്പെക്ടര് മനേജ് പറയറ്റ എന്നിവരായിരുന്നു അന്വേഷണ ഉദ്യോഗസ്ഥര്. പ്രോസിക്യൂഷന് വേണ്ടി സ്പെഷല് പബ്ലിക് പ്രോസിക്യൂട്ടര് അഡ്വ. സാം കെ. ഫ്രാന്സിസ് ഹാജരായി. 16 സാക്ഷികളെ വിസ്തരിച്ചു. 19 രേഖകള് ഹാജരാക്കി. പ്രതിയെ ശിക്ഷ അനുഭവിക്കാനായി തവനൂര് സെന്ട്രല് ജയിലിലേക്കയച്ചു.