എരുമേലി: യുവാവിനെ മര്‍ദിക്കുകയും തേങ്ങകൊണ്ട് തലക്കടിച്ച്‌ പരിക്കേല്‍പിക്കുകയും ചെയ്ത സംഭവത്തില്‍ രണ്ടു പ്രതികളെ പോലീസ് കസ്റ്റഡിയിലെടുത്തു. എരുമേലി സ്വദേശികളായ കോലംചിറ അജേഷ് (29), കുന്നേല്‍വീട്ടില്‍ മനു (32) എന്നിവരാണ് പിടിയിലായത്.
കഴിഞ്ഞ ദിവസം രാവിലെ 11.30ന് എരുമേലി ടൗണിന് സമീപമായിരുന്നു സംഭവം നടന്നത്. എരുമേലി പീടികപ്പറമ്പില്‍ പി.എം. ഹാഷിമിനാണ് (35) പ്രതികളിൽ നിന്നും മര്‍ദനമേറ്റത്. ഹാഷിമും പ്രതികളും തമ്മിലുണ്ടായ തര്‍ക്കം ആക്രമണത്തിൽ അവസാനിക്കുകയായിരുന്നു.
