ആലപ്പുഴ : ആരോഗ്യവിഭാഗം സ്കാഡ് നടത്തിയ മിന്നല് പരിശോധനയില് നഗരത്തിലെ നാല് ഹോട്ടലില്നിന്ന് പഴകിയ ഭഭക്ഷണം പിടിച്ചെടുത്തു. തത്തംപള്ളി സൗപര്ണിക, ജില്ല കോടതി വാര്ഡ് ഹസീന, ആലുംചുവട് ജങ്ഷന് ശ്രീമഹാദേവ, കിടങ്ങാംപറമ്പ് എ.വി.പി ട്രേഡേഴ്സ് എന്നീ ഹോട്ടലുകളില് നിന്ന് പഴകിയ ചോറ്, പൊറോട്ട, ചപ്പാത്തി, ദോശ, സാമ്ബാര്, മീന്, ഇറച്ചി, ഗോതമ്പ് പായസം, ബിരിയാണി, കക്കയിറച്ചി, ചിക്കന്കറി, ബീഫ് കറി, അല്ഫാം, ചില്ലിചിക്കന് എന്നിവയടക്കമുള്ള ഭക്ഷണസാധനങ്ങളാണ് പിടിച്ചെടുത്തത്.
നഗരത്തിലെ അഞ്ച് ബേക്കറികളില് നിന്നായി പഴകിയ പലഹാരങ്ങളും പിടികൂടിയിട്ടുണ്ട്. ക്ലാസിക്, കളരിക്കല്, കിടങ്ങാംപറമ്ബ് എസ്.എന്, സ്റ്റാച്യുവിന് സമീപത്തെ പ്രിയ ബേക്കറി, ഇന്ദിര ജങ്ഷന് സമീപത്തെ അറേബ്യന് ഷേക്ക് കഫേ എന്നിവിടങ്ങളില്നിന്നാണ് പഴകിയ പാല്, മാംഗോ ജ്യൂസ്, പീനട്ട് ബട്ടര്, കേക്ക്, മിക്സ്ചര്, ബണ്, ഷാര്ജ ഷേക്ക്, പഫ്സ്, ബ്രഡ് എന്നിവ പിടിച്ചെടുത്തത്.
വിവിധ ഹോട്ടലുകളില് നടത്തിയ പരിശോധനയില് വൃത്തിഹീനസാഹചര്യത്തില് സൂക്ഷിച്ച ഭക്ഷ്യവസ്തുക്കളും ബേക്കറികളില്നിന്ന് പിടികൂടിയ കാലഹരപ്പെട്ട പാലും പാക്കറ്റ് ഉല്പന്നങ്ങളും പിടികൂടി നശിപ്പിച്ചു.