കോഴിക്കോട്: റോഡിലെ കുഴിയില് വീണ് ഇരുചക്ര വാഹന യാത്രികന് പരിക്കേറ്റ സംഭവത്തില് അസിസ്റ്റന്റ് എന്ജിനീയറെ സ്ഥലം മാറ്റി. കെഎസ്ടിപി കണ്ണൂര് ഡിവിഷന് അസിസ്റ്റന്റ് എന്ജിനീയറെ മൂവാറ്റുപുഴയിലേക്കാണ് സ്ഥലം മാറ്റിയത്.
ഇന്നലെ രാത്രി താമരശേരി-മുക്കം റോഡില് വെഴുപ്പൂര് ബസ് സ്റ്റോപ്പിന് സമീപം കുഴിച്ച കുഴിയില് വീണ് എകരൂല് വള്ളിയോത്ത് കണ്ണോറക്കുഴിയില് അബ്ദുള് റസാഖിന് പരിക്കേറ്റ സംഭവത്തിലാണ് നടപടി. വലതു തുടയെല്ല് പൊട്ടിയ റസാഖിനെ സ്വകാര്യ ആശുപത്രിയില് അടിയന്തര ശസ്ത്രക്രിയയ്ക്ക് വിധേയനാക്കിയിരുന്നു.