ദില്ലി : ഇരുപത്തിയൊന്നുവയസുകാരിയെ തൊഴിലുടമ അടക്കം മൂന്നുപേര് ക്രൂരമായി പീഡിപ്പിച്ചതായി റിപ്പോര്ട്ട്. ജിമ്മിലെ ജീവനക്കാരിയായ 21കാരിയാണ് വ്യാഴാഴ്ച രാവിലെ ബുധ്വിഹാറിൽ ക്രൂരമായ പീഡനത്തിനിരയായത്.
ജിമ്മിലെ ജോലി പൂര്ത്തിയാക്കി മടങ്ങുനൊരുങ്ങിയ പെണ്കുട്ടിയെ തൊഴിലുടമ സുഹൃത്തിന്റെ ജിമ്മില് ചില ജോലികള് ഉണ്ടെന്ന് പറഞ്ഞു വിളിച്ചു വരുത്തിയാണ് പീഡിപ്പിച്ചത്. പീഡിപ്പിച്ചവരില് 39 കാരനായ ജിം ഉടമ, 35 വയസുള്ള ഫാക്ടറി മുതലാളി എന്നിവർ ഉൾപ്പെട്ടിട്ടുണ്ടെന്നാണ് പുറത്തുവരുന്ന വിവരം. കൂട്ട ബലാത്സംഗത്തിനും ലൈംഗിക പീഡനത്തിനും അനധികൃതമായ തടഞ്ഞുവെയ്ക്കല് അടക്കമുള്ള കുറ്റങ്ങളാണ് പ്രതികള്ക്കെതിരെ ചുമത്തിയിരിക്കുന്നത്. സംഭവം പൊലീസില് അറിയിച്ചതിന് പിന്നാലെ കൊലപാതക ഭീഷണി നേരിടുന്നതായും പെണ്കുട്ടി വ്യക്തമാക്കി.