മൂന്നാര്: സ്കൂള് വിദ്യാര്ഥിയെ വീടിനുള്ളില് തൂങ്ങിമരിച്ചനിലയില് കണ്ടെത്തിയ സംഭവത്തില് പൊലീസ് അന്വേഷണം ആരംഭിച്ചു. കണ്ണന്ദേവന് കമ്പനി ചെണ്ടുവരൈ എസ്റ്റേറ്റ് പി.ആര് ഡിവിഷനിലെ കുട്ടിത്തമ്പിയുടെ മകന് ബിബിനെയാണ് (12) മരിച്ച നിലയില് കണ്ടെത്തിയത്.
കുട്ടി ഉപയോഗിച്ചിരുന്ന മൊബൈല് ഫോണ് കസ്റ്റഡിയില് വാങ്ങിയിട്ടുണ്ട്. രണ്ടുദിവസത്തിനകം രക്ഷിതാക്കളുടെ മൊഴി രേഖപ്പെടുത്തും. കുട്ടിയുടെ വീടും പരിസരവും പരിശോധിക്കും.
ചൊവ്വാഴ്ച വൈകീട്ടാണ് സംഭവം നടന്നത്. തോട്ടത്തില് ജോലിക്കുപോയ മാതാപിതാക്കള് നാലരക്ക് വീട്ടില് തിരിച്ചെത്തിയപ്പോഴാണ് സംഭവം അറിയുന്നത്. സാരിയുടെ ഒരുഭാഗം ഉപയോഗിച്ചാണ് കുരുക്കിട്ടിരുന്നത്.