മുംബൈ: ന്യൂസ്പേപ്പറുകളില് പൊതിഞ്ഞ് ഭക്ഷ്യവസ്തുക്കള് നല്കുന്നതിന് വിലക്കേർപ്പെടുത്തി മഹാരാഷ്ട്ര ഫുഡ് ആന്ഡ് ഡ്രഗ് അഡ്മിനിസ്ട്രേഷൻ. ന്യൂസ്പേപ്പറില് ഉപയോഗിക്കുന്ന മഷി ആരോഗ്യത്തിന് ഹാനികരമാണെന്ന് കണ്ടെത്തിയതിനെ തുടര്ന്നാണ് നടപടി.
വട പാവ്, പോഹ, മധുരപലഹാരങ്ങള്, ഭേല് മുതലായവ ചൂടോടെത്തന്നെ ന്യൂസ്പേപ്പറില് പൊതിഞ്ഞാണ് സാധാരണയായി മഹാരാഷ്ട്രയില് നല്കുന്നത്. ഇങ്ങനെ നല്കുന്നത് ആരോഗ്യപ്രശ്നങ്ങള്ക്ക് കാരണമാകുമെന്ന് ഫുഡ് ഡ്രഗ് അഡ്മിനിസ്ട്രേഷന് പുറത്തിറക്കിയ ഉത്തരവില് വ്യക്തമാക്കുന്നു.
ഉത്തരവ് ലംഘിക്കുന്നവര്ക്കെതിരെ കര്ശന നടപടിയുണ്ടാകുമെന്ന് അധികൃതര് മുന്നറിയിപ്പ് നൽകിയിട്ടുണ്ട്. ഭക്ഷ്യവസ്തുക്കള് വില്ക്കുന്ന സ്ഥാപനങ്ങള്ക്ക് ഇതുമായി ബന്ധപ്പെട്ട് കര്ശന നിര്ദേശം ഫുഡ് ആന്ഡ് ഡ്രഗ് അഡ്മിനിസ്ട്രേഷന് പുറപ്പെടുവിച്ചിട്ടുണ്ട്.