തൃപ്രയാര് : ഭര്ത്താവുമായി പിരിഞ്ഞു കഴിഞ്ഞിരുന്ന യുവതിയുമായി സോഷ്യല്മീഡിയയിലൂടെ സൗഹൃദം സ്ഥാപിച്ച് പീഡിപ്പിച്ച യുവാവ് അറസ്റ്റിൽ. കൈപ്പമംഗലം കൂരിക്കുഴി സ്വദേശി മൂന്നാക്കപ്പറമ്പില് നിസാമുദ്ദീനെയാണ് (26) വലപ്പാട് പൊലീസ് അറസ്റ്റ് ചെയ്തത്.
കഴിഞ്ഞ ഒക്ടോബറിലാണ് കേസിനാസ്പദമായ സംഭവം. ഭര്ത്താവുമായി വേര്പിരിഞ്ഞു കഴിഞ്ഞിരുന്ന യുവതിയുമായി സോഷ്യല്മീഡിയയിലൂടെ സൗഹൃദം സ്ഥാപിച്ച പ്രതി താമസിക്കാന് വീട് ശരിയാക്കി നല്കാമെന്ന് പറഞ്ഞ് ലോഡ്ജില് വിളിച്ചു വരുത്തി പീഡിപ്പിക്കുകയായിരുന്നു.
വലപ്പാട് എസ്.എച്ച്.ഒ കെ.എസ്. സുശാന്തിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.