എരുമേലി: ശബരിമല തീർത്ഥാടകയായ എട്ടുവയസ്സുകാരിയോട് അപമര്യാദയായി പെരുമാറിയ ഹോട്ടല് ജീവനക്കാരന് അറസ്റ്റില്. മധുര രാജ്നാഥ് സ്വദേശി ജയപാലനാണ് (31) പോക്സോ കേസിൽ പോലീസിന്റെ പിടിയിലായത്. എരുമേലി കെ.എസ്.ആര്.ടി.സി ബസ് സ്റ്റേഷന് സമീപത്തെ താല്ക്കാലിക ഹോട്ടലില് വെള്ളിയാഴ്ച രാവിലെയായിരുന്നു കേസിനാസ്പദമായ സംഭവം നടന്നത്.
കോഴിക്കോട്ടുനിന്ന് എത്തിയ അയ്യപ്പഭക്തര് ഭക്ഷണം കഴിച്ച് കൈ കഴുകുന്നതിനിടെ പ്രതി ബാലികയോട് അപമര്യാദയായി പെരുമാറിയെന്നാണ് പരാതി. പ്രതിയെ റിമാന്ഡ് ചെയ്തു.
വിവിധ ഹിന്ദു സംഘടനകള് പ്രതിഷേധവുമായി രംഗത്തെത്തിയതിനെത്തുടര്ന്ന് പൊലീസ് ഹോട്ടല് അടപ്പിച്ചിട്ടുണ്ട്.