കൊല്ലം : മകളെ നിരന്തരം ഉപദ്രവിക്കുന്നത് ചോദ്യം ചെയ്ത പകയിൽ ഭാര്യാപിതാവിനെ ആക്രമിച്ച യുവാവ് പോലീസ് കസ്റ്റഡിയിൽ. നീണ്ടകര പഞ്ചായത്തില് പരിമണം പുത്തന്തോപ്പില് വീട്ടില്നിന്ന് ചിറക്കര ജനത ജങ്ഷന് സമീപം കൃഷ്ണാലയം വീട്ടില് അജിയാണ് (38) അറസ്റ്റ് ചെയ്യപ്പെട്ടത്.
ചിറക്കര വില്ലേജില് ജനത ജങ്ഷനില് കൃഷ്ണാലയം വീട്ടില് അപ്പുക്കുട്ടനെ (65) ആക്രമിച്ച് പരിക്കേല്പിച്ച കേസിലാണ് അജിയുടെ അറസ്റ്റ്. നിരന്തരം മദ്യപിച്ചെത്തി ഭാര്യയെ തെറി വിളിക്കുകയും ദേഹോപദ്രവം ഏല്പിക്കുകയും ചെയ്യുന്ന പ്രതിയെ ചോദ്യം ചെയ്തതിലുള്ള പക മൂലമാണ് ആക്രമിച്ചതെന്ന് പോലീസ് വ്യക്തമാക്കി.
തടിക്കഷണം കൊണ്ട് അപ്പുക്കുട്ടെന്റ തലക്കടിക്കുകയായിരുന്നു. അക്രമത്തിൽ ഗുരുതര പരിക്ക് പറ്റിയ അപ്പുക്കുട്ടന് പാരിപ്പള്ളി മെഡിക്കല് കോളജില് ചികിത്സയിലാണ്