നാദാപുരം: ബാലികക്ക് നേരെ ലൈംഗികാതിക്രമം നടത്തിയ കേസില്‍ വയോധികൻ അറസ്റ്റില്‍. ചെക്യാട് താനക്കോട്ടൂര്‍ സ്വദേശി കുണ്ടന്‍ചാലില്‍ കണാരനെയാണ്(70) വളയം പൊലീസ് കസ്റ്റഡിയിലെടുത്തത്.
കഴിഞ്ഞ ശനിയാഴ്ച വൈകീട്ട് നാലോടെയാണ് സംഭവംനടന്നത്. ചെക്യാട് താനക്കോട്ടൂരില്‍ വാടകക്ക് താമസിച്ചിരുന്ന ഇതര സംസ്ഥാനത്തൊഴിലാളികളുടെ കുടുംബത്തിലെ ആറു വയസ്സുകാരിയെയാണ് പ്രതി ലൈംഗികമായി ചൂഷണം ചെയ്തത്.
കുട്ടിയുടെ രക്ഷിതാക്കള്‍ വളയം പൊലീസില്‍ നല്‍കിയ പരാതിയെത്തുടര്‍ന്ന് പോക്സോ വകുപ്പുപ്രകാരം കേസെടുത്ത് പ്രതിയെ പിടികൂടുകയായിരുന്നു.. പ്രതിയെ കോടതിയില്‍ ഹാജരാക്കി.
