തിരുവനന്തപുരം: സംസ്ഥാനത്ത് വൈദ്യുതി നിരക്ക് വർധിപ്പിക്കേണ്ടി വരുമെന്ന് വൈദ്യുതി മന്ത്രി കെ കൃഷ്ണൻ കുട്ടി. വൈദ്യുതി ബോർഡിനുള്ള സാമ്പത്തിക ബാധ്യത നികത്തേണ്ടതുണ്ടെന്നും മന്ത്രി വ്യക്തമാക്കി.
റഗുലേറ്ററി കമ്മീഷനോട് നിരക്ക് വർധന ആവശ്യപെടുമെന്നും എത്ര രൂപയാണ് കൂട്ടേണ്ടതെന്ന് ബോർഡ് തീരുമാനിക്കുമെന്നും മന്ത്രി കൂട്ടിച്ചേർത്തു. കുറഞ്ഞത് 10ശതമാനം വരെ വർധന ബോർഡ് ആവശ്യപ്പെടുമെന്നാണ് സൂചന.
നിരക്ക് വർധന എത്ര വേണമെന്ന് വ്യക്തമാക്കിയുള്ള താരിഫ് പെറ്റീഷൻ പെറ്റീഷൻ ഡിസംബർ 31ന് മുമ്പ് നൽകാൻ ബോർഡിന് നിർദേശം കിട്ടിയിട്ടുണ്ട്. ഹിയറിങ് നടത്തി റഗുലേറ്ററി കമ്മിഷനാണ് അന്തിമമായി തീരുമാനമെടുക്കുക.
പുതുക്കിയ നിരക്ക് ഏപ്രിൽ ഒന്നിന് നിലവിൽ വരും. അടുത്ത അഞ്ച് വർഷത്തേക്കുള്ളതാകും പുതിയ നിരക്ക് . 2019 ജൂലൈയിലാണ് അവസാനമായി നിരക്ക് കൂട്ടിയത്
