ഒറ്റപ്പാലം : ഏറെ വിവാദമായ കടമ്പഴിപ്പുറം ഇരട്ടക്കൊലപാതക കേസില്‍ ഒരാള്‍ അറസ്റ്റില്‍. കടമ്പഴിപ്പുറം കണ്ണുകുറുശി ഉണ്ണീരിക്കുണ്ടില്‍ രാജേന്ദ്രന്‍ (49) ആണ് ക്രൈംബ്രാഞ്ചിന്‍റെ പിടിയിലായത്.
2016 നവംബര്‍ 15 നാണ് നാടിനെ നടുക്കിയ കൊലപാതകം അരങ്ങേറിയത്. വടക്കേക്കര ചീരപ്പത്ത് വീട്ടില്‍ ഗോപാലകൃഷ്ണനും (62) ഭാര്യ തങ്കമണിയും (52) വീട്ടിലെ കിടപ്പുമുറിയില്‍ കൊല്ലപ്പെട്ട നിലയിലാണ് കണ്ടെത്തിയത്. അഞ്ചു വർഷത്തെ അന്വേഷണത്തിനൊടുവിലാണ് അയല്‍വാസി കൂടിയായ രാജേന്ദ്രന്‍ അറസ്റ്റിലായത്.
വര്‍ഷങ്ങള്‍ കഴിഞ്ഞിട്ടും കേസില്‍ പ്രതികളെ പിടികൂടാനാകാത്തത് ആഭ്യന്തര വകുപ്പിനും പോലീസിനും തലവേദന സൃഷ്ടിച്ചിരുന്നു.
