തിരുവനന്തപുരം: കേരളത്തില് ഇന്നും ശക്തമായ മഴയ്ക്കു സാധ്യതയെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. മഴയുടെ സാധ്യത കണക്കിലെടുത്ത് ഇടുക്കി, പത്തനംതിട്ട ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചു. എറണാകുളം, ആലപ്പുഴ ഒഴികെയുള്ള മറ്റു ജില്ലകളില് യെലോ അലര്ട്ട് നല്കിയിട്ടുണ്ട്..
മലപ്പുറം, ഇടുക്കി ജില്ലകളില് നാളെ ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. ഇടിക്കും മിന്നലിനും സാധ്യതയുള്ളതിനാല് ജാഗ്രത പാലിക്കണമെന്നും ചൊവ്വാഴ്ച വരെ അറബിക്കടലില് കേരള, കര്ണാടക തീരങ്ങളില് മത്സ്യബന്ധനത്തിനു പോകരുതെന്നും കർശനമായ നിർദ്ദേശം നൽകി.