മലപ്പുറം: കടലുണ്ടിപ്പുഴയില്‍ മലപ്പുറം മറ്റത്തൂര്‍ പാറപ്പുറം കടവില്‍ തൂക്കുപാലത്തിന് സമീപം വിദ്യാര്‍ത്ഥി മുങ്ങിമരിച്ചു. വേങ്ങര അല്‍ ഇഹ്‌സാന്‍ ദഅവ കോളേജിലെ വിദ്യാര്‍ത്ഥിയായ മണാര്‍കാട് കാഞ്ഞിരപ്പുഴ സ്വദേശി പാച്ചീരി ജുനൈസ് മകന്‍ മുഹമ്മദ്‌റഹീസ് (21) ആണ് മരണപ്പെട്ടത്.
ശനിയാഴ്ച വൈകുന്നേരം ആറു മണിയോടെയാണ് സംഭവം. രണ്ട് കൂട്ടുകാര്‍ക്കൊപ്പം നീന്തുന്നതിനിടയില്‍ ഒഴുക്കില്‍ പെടുകയായിരുന്നു. നാട്ടുകാരും മലപ്പുറം ഫയര്‍ ആന്റ് റസ്‌ക്യു സ്റ്റേഷനിലെ സ്‌കൂബാ ടീമും ചേര്‍ന്ന് തിരച്ചില്‍ നടത്തി മുതദേഹം കണ്ടെടുത്ത് കോട്ടക്കല്‍ സ്വകാര്യ ആശുപത്രിയില്‍ എത്തിച്ചു .
മൃതദേഹം കോട്ടക്കല്‍ സ്വകാര്യ ആശുപത്രിയിലാണ്. മലപ്പുറം സ്റ്റേഷന്‍ ഓഫീസര്‍ ഇ കെ അബ്ദുള്‍ സലിം രക്ഷാപ്രവര്‍ത്തനത്തിന് നേതൃത്വം നല്‍കി. കാഞ്ഞിരപ്പുഴ പഞ്ചായത്തിലെ വിയ്യക്കുറുശ്ശിയില്‍ ജിഎല്‍പി സ്‌കൂളിനു സമീപം താമസിക്കുന്ന ജുനൈസ് ഓട്ടോ ഗുഡ്‌സ് ഡ്രൈവര്‍ ആണ്. മാതാവ്: സുലൈഖ, സഹോദരങ്ങള്‍: റമീസ്, അനീസ്.
