കോവിഡ് ബാധിച്ച് മരിച്ച ആളുകളുടെ കുടുംബത്തിന് നഷ്ടപരിഹാരമായി 50,000 രൂപ കൊടുക്കുമെന്നറിയിച്ച് കേന്ദ്രസർക്കാർ. ഇത് സംബന്ധിച്ചുള്ള സത്യവാങ് മൂലം സുപ്രിം കോടതിയിൽ കേന്ദ്രസർക്കാർ സമ്മർപ്പിച്ചിട്ടുണ്ട്. ഇതോടൊപ്പം കൊവിഡ് പ്രതിരോധ പ്രവർത്തനങ്ങൾക്കിടെ മരിച്ചവർക്കും നഷ്ടപരിഹാര തുക വിതരണത്തെ ചെയ്യുമെന്നും കേന്ദ്രം ഉറപ്പു നൽകിയിട്ടുണ്ട്.
എല്ലാ സംസ്ഥാനങ്ങളും അവരുടെ ദുരന്തനിവാരണ ഫണ്ടിൽ നിന്നും പണം നൽകാൻ കേന്ദ്രം നിർദേശിച്ചിട്ടുണ്ട്. നഷ്ടപരിഹാര തുക ജില്ലാ ഭരണകൂടം മുഖേനയോ ജില്ലാ ദുരന്തനിവാരണ മാനേജ്മെന്റ് അതോറിറ്റി മുഖേനയോ വിതരണം ചെയ്യുമെന്ന് കേന്ദ്രസർക്കാർ കോടതിയെ അറിയിച്ചിട്ടുണ്ട്.