ടോക്യോ ഒളിംപിക്സില്‍ നാലാം സ്ഥാനം നേടിയവർക്ക് ‘ആള്‍ട്രോസ്’ കാര്‍ സമ്മാനമായി നൽകാനൊരുങ്ങി ടാറ്റാ മോട്ടോഴ്സ്. ചെറിയ വ്യത്യാസത്തിൽ വെങ്കലം നഷ്‌ടമായ താരങ്ങളുടെ പ്രകടനമികവിനാണ് ഈ സമ്മാനം. പ്രീമിയം ഹാച്ച്‌ബാക്കായ ഗോൾഡൻ കളറിലുള്ള ആള്‍ട്രോസ് ഹൈ സ്ട്രീറ്റ് മോഡൽ കാറാണ് നൽകുകയെന്ന് ടാറ്റാ മോട്ടോഴ്സ് വ്യക്തമാക്കിയിട്ടുണ്ട്.
വ്യക്തിഗത ഇനങ്ങളിൽ ഗുസ്തിയിൽ ബജ്രങ് പുനിയയും ഗോൾഫിൽ അതിഥി അശോകുമാണ് നാലാം സ്ഥാനം കരസ്ഥമാക്കിയത്. വനിത ഹോക്കി ടീമാണ് ഗ്രൂപ്പ് ഇനങ്ങളിൽ നാലാം സ്ഥാനത്തെത്തിയത്. 2024 ൽ നടക്കാനിരിക്കുന്ന പാരീസ് ഒളിംപിക്സിനുവേണ്ടി കൂടുതൽ ഊർജസ്വലതയോടെ തയ്യാറെടുക്കാൻ ഈ സമ്മാനം അവർക്ക് പ്രചോദനമാകുമെന്ന് കമ്പനി ഉടമകൾ പറഞ്ഞു.
ടോക്യോ ഒളിംപിക്സിൽ വെങ്കലം കിട്ടാതെ പോയ ഇന്ത്യയുടെ കായിക താരങ്ങള്‍ക്ക് നന്ദി പ്രകടനമായി ആള്‍ട്രോസ്-ഗോള്‍ഡ് സ്റ്റാന്‍ഡേര്‍ഡ് സമ്മാനം നൽകുന്നതിൽ വലിയ സന്തോഷമുണ്ട്. ഒരു മെഡൽ ലഭിച്ചില്ലെങ്കിലും ലക്ഷകണക്കിനാളുകളുടെ ഹൃദയം കവരാനും ഒരുപാട് പേർക്ക് പ്രചോദനമാവാനും കഴിഞ്ഞെന്ന് ടാറ്റാ മോട്ടോഴ്സ് ട്വീറ്റ് ചെയ്തിട്ടുണ്ട്.
