തിരുവനന്തപുരം: കോൺഗ്രസ്സിൽ നിന്നും ഇനിയും ആളുകൾ എൽഡിഎഫിലേക്കും സിപിഎമ്മിലേക്കും ചേരുമെന്ന് എംഎ ബേബി. കോൺഗ്രസ്സിലെ ലീഗ് നേതാക്കളും പ്രവർത്തകരും എൽഡിഎഫിന്റെ ഭാഗമാകും. പാർട്ടിയിലേക്ക് പുതുതായി ചേരുന്ന ആർക്കും നിരാശരാകേണ്ടി വരില്ല. എല്ലാവര്ക്കും അർഹമായ പരിഗണന ലഭിക്കുമെന്നും എം എ ബേബി അറിയിച്ചു.
ഇതിനിടെ ആർഎസ്പിക്കെതിരെ രൂക്ഷവിമർശനവും എംഎ ബേബി നടത്തി. എൽഡിഎഫിനെ കബളിപ്പിച്ച് യുഡിഎഫിലേക്ക് പോയ പാർട്ടിയാണ് ആർഎസ്പി. അവർ ഇപ്പോഴും കബളിപ്പിച്ചു കൊണ്ടിരിക്കുകയാണ്. എൽഡിഎഫിലേക്ക് ആർഎസ്പി തിരിച്ചു വരേണ്ട ആവശ്യമില്ലെന്നാണ് അദ്ദേഹം പറഞ്ഞത്.
എൽസിഎഫിലേക്ക് കേരള കോണ്‍ഗ്രസ് എം വന്നത് വലിയ ഗുണകരമായിട്ടുണ്ട്. അവർ അവരുടെ ശക്തി തെളിയിക്കുകയും എൽഡിഎഫിനെ ശക്തിപ്പെടുത്താനും ഇവർക്കായിട്ടുണ്ടെന്നും അദ്ദേഹം വ്യക്തമാക്കി.
