തിരുവനന്തപുരം : പുത്തൻ റോഡുകൾ റോഡുകൾ കുത്തിപ്പൊളിച്ച് വീണ്ടും പൈപ്പിടുന്നതടക്കമുള്ള അറ്റകുറ്റപ്പണികൾ നടത്തുന്നത് ഒഴിവാക്കുമെന്ന് പൊതുമരാമത്ത് മന്ത്രി പി എ മുഹമ്മദ് റിയാസ്. വർഷങ്ങളായുള്ള ജനങ്ങളുടെ ബുദ്ധിമുട്ടിന് ഇതോടെ അന്ത്യമാകും. ഇതിനായി പ്രത്യേക പ്രവൃത്തി കലണ്ടർ തയ്യാറാക്കുകയാണെന്ന് മന്ത്രി ഫേസ്ബുക്ക് പോസ്റ്റിലൂടെ വ്യക്തമാക്കി.
ടാറിംഗിന് പിന്നാലെ പൈപ്പിടാന് റോഡ് കുത്തിപ്പൊളിക്കുന്നത് നമ്മുടെ നാട്ടിലെ കാലങ്ങളായുള്ള പ്രശ്നമാണെന്നും വകുപ്പുകളുടെ ഏകോപനമില്ലായ്മയാണ് ഇതിന് പ്രധാന കാരണമെന്നും മന്ത്രി വ്യക്തമാക്കി.
പ്രവൃത്തി കലണ്ടറിന്റെ ഭാഗമായി പുതിയതായി ടാറ് ചെയ്തു പണി പൂര്ത്തീകരിച്ച റോഡുകള് ഒരു വര്ഷത്തിനു ശേഷം മാത്രമേ വെട്ടിപ്പൊളിച്ച് പൈപ്പിടാന് അനുവദിക്കുകയുള്ളുവെന്നും ചോര്ച്ചയെ തുടര്ന്നുള്ള അടിയന്തരമായ അറ്റകുറ്റപ്പണികള്, വലിയ പദ്ധതികള്, ഉയര്ന്ന മുന്ഗണനയുള്ള പദ്ധതികള് എന്നിവയ്ക്കു മാത്രം ഇളവുകളുണ്ടാകണമെന്നും മന്ത്രി ഉറപ്പ് നൽകി.