ടോപേക്ക : കുട്ടികളുടെ ഗെയിമിംഗ് ആപ്ലിക്കേഷനായ റോബ്ലോക്സ് വഴി പരിചയപ്പെട്ട യുവാവ് 13 വയസുള്ള പെൺകുട്ടിയെ തട്ടിക്കൊണ്ടുപോയി. ഹോവാർഡ് ഗ്രഹാം എന്ന 33 കാരണാണ് കുട്ടിയെ തട്ടിക്കൊണ്ടുപോയതിന് അറസ്റ്റ് ചെയ്‍തിരിക്കുന്നത്. ഈ ഗെയിമിംഗ് ആപ്പിൽ പരിചയപ്പെട്ട് രണ്ട് ദിവസം സംസാരിച്ചിരുന്ന പെൺകുട്ടിയെ ഇയാൾ വീട് വിട്ടിറങ്ങാൻ പ്രേരിപ്പിക്കുകയായിരുന്നുവത്രെ. പ്രതിക്കെതിരെ സെക്സ് ട്രാഫിക്കിംഗ്, തട്ടിക്കൊണ്ടുപോകൽ, ബലാത്സംഗം എന്നീ കുറ്റങ്ങളാണ് ചുമത്തിയിരിക്കുന്നത്.
പരിചയക്കാരുമായോ അപരിചിതരുമായോ ഗെയിം കളിക്കാൻ സാധിക്കുമെന്നതാണ്
റോബ്ലോക്സ് ഗെയിമിന്റെ പ്രത്യേകത. ഏകദേശം 150 മില്ല്യൺ പ്രതിമാസ ഉപയോക്താക്കളുള്ള ഇത് ലോകത്തിലെ ഏറ്റവും ജനപ്രിയമായ കുട്ടികളുടെ ഗെയിമുകളിലൊന്നാണ്.
