മധ്യപ്രദേശ് : ഷഹ്ദോള് ജില്ലയിലെ ഗൊഹ്പാരു പോലീസ് സ്റ്റേഷന്റെ ചുമരില് മുറുക്കിത്തുപ്പിയ പൊലീസുകാര്ക്കെതിരെ നടപടി. നടപടിയുടെ ഭാഗമായി സബ് ഇന്സ്പെക്ടര്, രണ്ട് അസിസ്റ്റന്റ് സബ് ഇന്സ്പെക്ടര്മാര്, ഒരു ഹെഡ് കോണ്സ്റ്റബ്ള് എന്നിവരെ ഫീല്ഡ് ഡ്യൂട്ടിയില്നിന്ന് മാറ്റി.
സ്റ്റേഷനില് മിന്നല് സന്ദര്ശനം നടത്തിയ എസ്.പി സ്റ്റേഷന്റെ ചുമരുകള് മുറുക്കിതുപ്പി വൃത്തികേടാക്കിയ നിലയില് കണ്ടത് അന്വേഷിച്ചപ്പോൾ ഉദ്യോഗസ്ഥന് നാലു പൊലീസുകാരുടെ പേരുകള് വെളിപ്പെടുത്തുകയായിരുന്നു. നിരവധി തവണ ചുമരില് തുപ്പരുതെന്ന് നിര്ദേശം നല്കിയിട്ടും വീണ്ടും ആവര്ത്തിക്കുകയായിരുന്നുവെന്നും ഇവര് എസ് പിയെ അറിയിച്ചു. തുടർന്നാണ് കുറ്റക്കാർക്കെതിരെ അച്ചടക്ക നടപടി സ്വീകരിച്ചത്.