തിരുവനന്തപുരം : സംസ്ഥാനത്ത് അടുത്ത രണ്ട് ദിവസം മഴയുടെ ശക്തികുറയും. ഇടിമിന്നലിനും ശക്തമായ കാറ്റിനും സാധ്യതയുള്ളതിനാല് ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി നിർദേശം നൽകിയിട്ടുണ്ട്.
ഒറ്റപ്പെട്ട സാധാരണ മഴ തുടരാന് സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. വ്യാഴാഴ്ചയും വെള്ളിയാഴ്ചയും ഒറ്റപ്പെട്ട ശക്തമായ മഴയ്ക്കും സാധ്യതയുള്ളതുകൊണ്ടുതന്നെ വ്യാഴാഴ്ച ആറ് ജില്ലകളിലും വെള്ളിഴായ്ച ഒന്പത് ജില്ലകളിലും യെല്ലോ മുന്നറിയിപ്പ് നല്കിയിട്ടുണ്ട്.
തെക്ക് -കിഴക്കന് ബംഗാള് ഉള്ക്കടലില് നിലവിലുള്ള ചക്രവാതച്ചുഴി അടുത്ത 48 മണിക്കൂറിനുള്ളില് ന്യൂന മര്ദമായി ശക്തിപ്രാപിക്കാന് സാധ്യതയുണ്ടെന്നും പടിഞ്ഞാറ്-വടക്ക് പടിഞ്ഞാറ് സഞ്ചരിച്ച് ശ്രീലങ്ക, തെക്കന് തമിഴ്നാട് തീരത്ത് കരയില് പ്രവേശിക്കാന് സാധ്യതയുണ്ടെന്നുമാണ് കേന്ദ്ര കാലാവസ്ഥ നിരീക്ഷണ കേന്ദ്രത്തിന്റെ നിഗമനം.