തിരുവനന്തപുരം: കഴക്കൂട്ടം ഇന്ഫോസിസിന് അടുത്ത് കെഎസ്ആര്ടിസി ബസിനു പിന്നില് സ്കൂട്ടര് ഇടിച്ച് അച്ഛനും മകനും ദാരുണാന്ത്യം. സ്കൂട്ടര് യാത്രക്കാരായ രാജേഷ് (36) മകന് ഋത്വിക് (5) എന്നിവരാണ് മരിച്ചത്. ഗുരുതരമായി പരിക്കേറ്റ രാജേഷിന്റെ ഭാര്യ സുജിതയെ ആശുപത്രിയില് പ്രവേശിപ്പിച്ചിരിക്കുകയാണ്.
തൃശൂര് പാഴായി നെന്മകരി സ്വദേശിയായ രാജേഷ് ബാലരാമപുരം മുടവൂര് പാറയിലാണ് ഇപ്പോൾ താമസം.. അലുമിനിയം ഫാബ്രിക്കേഷന് കമ്പനിയിലെ സെയില്സ് എക്സിക്യൂട്ടിവാണ് രാജേഷ്. കിളിമാനൂരിലുള്ള സുഹൃത്തിന്റെ വീട്ടിലേക്ക് പോകുന്ന വഴിക്കാണ് അപകടം നടന്നത്.