കൊല്ലം : വീട്ടിൽ കയറി ദമ്പതികളെ ആക്രമിച്ച പ്രതികൾ പിടിയിൽ. പുന്തലത്താഴം കല്ലുവിള വീട്ടില് മധു (42), പേരൂര് തെറ്റിച്ചിറ പുത്തന് വീട്ടില് സുനി (40), പുന്തലത്താഴം മീനാക്ഷി നഗര് പറങ്കിമാംവിള വീട്ടില് ദിലീപ് (45), മുണ്ടയ്ക്കല് ഈസ്റ്റ് കളീക്കല് കടപ്പുറത്ത് ഷാനവാസ് (32) എന്നിവരെയാണ് കിളികൊല്ലൂര് പോലീസ് കസ്റ്റഡിയിലെടുത്തത്.
തെറ്റിച്ചിറ എസ്.എം.ഡി സ്കൂളിന് സമീപം താമസിക്കുന്ന സജീവിനെയും ഭാര്യയെയും ആണ് പ്രതികൾ സംഘം ചേർന്ന് വീട്ടില് കയറി ആക്രമിച്ചത്. അക്രമത്തില് പരിക്കേറ്റ ദമ്പതികൾ ജില്ല ആശുപത്രിയില് ചികിത്സതേടിയിരുന്നു.
വിവരമറിഞ്ഞ പോലീസ് അക്രമികളെ സംഭവസ്ഥലത്ത് നിന്നും പിടികൂടി.