ഇന്ന് ഫാഷൻ ലോകം ബെല്ല ഹഡീഡ് ധരിച്ച് വന്ന നെക്ലേസിനു പിന്നാലെയാണ്. അമേരിക്കൻ സൂപ്പർ മോഡലാണ് ബെല്ല ഹഡീഡ്. കാൻസ് ഫിലിം ഫെസ്റ്റിവലിന് ബെല്ല മനുഷ്യന്റെ ശ്വാസകോശത്തിന്റെ ആകൃതിയിലുള്ള ഒരു നെക്‌ലേസാണ് ധരിച്ച് വന്നത്. കൂടാതെ മാറിടം മറയ്ക്കുന്ന രീതിയിലുമായിരുന്നു ആ നെക്‌ലേസ്. നെക്ലൈൻ ഇല്ലാത്ത ഒരു ലോങ് ബ്ലാക്ക് വസ്ത്രം ധരിച്ചാണ് ബെല്ല റെഡ് കാർപറ്റിൽ എത്തിയിരുന്നത്. Schiaparelli എന്ന ഇറ്റാലിയൻ ആഡംബര ഫാഷൻ ബ്രാൻഡാണ് വസ്ത്രം നിർമിച്ചത്.
ഈ വസ്ത്രത്തിൽ മാറിടം മറയ്ക്കുന്നത് ശ്വാസകോശത്തിന്റെ ആകൃതിയിലുള്ള ആ വലിയ സ്വർണ്ണ നെക്‌ലേസാണ്. ഒരുപാട് അഭിനന്ദനങ്ങൾക്ക് വഴിയൊരുക്കുകയായിരുന്നു ബെല്ലയുടെ ഈ പരീക്ഷണം. ഈ 24കാരി കുറച്ച് വർഷങ്ങളായി കാൻസ് റെഡ് കാർപറ്റിലെ നിത്യ സാന്നിധ്യമാണ്. എത്തുന്നു മുമ്പു തന്നെ ഫാഷൻ ലോകത്തിന്റെ ശ്രദ്ധ ബെല്ല പിടിച്ചുപറ്റിയിരുന്നു. മെയ് മാസത്തിൽ നടക്കേണ്ടിയിരുന്ന 74-മത് കാൻസ് ഫിലിം ഫെസ്റ്റിവൽ കോവിഡിന്റെ പശ്ചാത്തലത്തിൽ ജൂലൈലേക്ക് മാറ്റിയതായിരുന്നു.
