കരുവാരകുണ്ട് :ജോലി വാഗ്ദാനം ചെയ്ത് 70 ലക്ഷം രൂപ തട്ടിയെടുത്തെന്ന പരാതിയില്‍ യുവാവിനെ പോലീസ് പിടികൂടി. തിരുവനന്തപുരം ജില്ലയിലെ കവടിയാര്‍ കെസ്റ്റോണ്‍ റോഡ് ഹീറ ഹൈ ലൈഫ് ഫ്‌ളാറ്റിലെ എന്‍.സുനില്‍കുമാറി (45) നെയാണ് കരുവാരക്കുണ്ട് പോലീസ് അറസ്റ്റു ചെയ്തത്. കൊച്ചിയിലെ ഒരു ആഡംബര ഹോട്ടലില്‍ നിന്നാണ് ഇയാളെ പോലീസ് പിടികൂടിയത്. 2022 സെപ്തംബറിലാണ് കേസിനാസ്പദമായ സംഭവം നടന്നത്. കേരളത്തിലുടനീളം ഇയാള്‍ക്കെതിരേ സമാനമായ തട്ടിപ്പ് കേസുകള്‍ ഉണ്ടെന്ന് പോലീസ് പറഞ്ഞു. സ്റ്റേഷന്‍ ഹൗസ് ഓഫീസര്‍ എസ് ഐ പ്രിയന്‍,എസ് സി പി ഒമാരായ പ്രവീണ്‍, ദിനേശ്, സിപിഒമാരായ മനുപ്രസാദ്, സ്വരൂപ് എന്നിവരടങ്ങുന്ന പോലീസ് സംഘമാണ് പ്രതിയെ പിടികൂടിയത്. കോടതിയില്‍ ഹാജരാക്കി ഇയാളെ റിമാന്‍ഡ് ചെയ്തു.
