കഴിഞ്ഞ 121 വർഷത്തിനിടയിലെ ഏറ്റവും ചൂടേറിയ അഞ്ചാമത്തെ വർഷമായി 2021. ഇന്ത്യൻ കാലാവസ്ഥാ വകുപ്പ് (ഐഎംഡി) പുറത്തിറക്കിയ വാർഷിക കാലാവസ്ഥാ പ്രസ്താവനയിലാണ് ഇക്കാര്യം പറയുന്നത്. കാലാവസ്ഥാ പ്രതിസന്ധിക്കെതിരെ ആഗോള പോരാട്ടം ശക്തമാകുന്നതിന്റെ പശ്ചാത്തലത്തിലാണ് ഈ വെളിപ്പെടുത്തൽ. 2016, 2009, 2017, 2010 എന്നിവയാണ് ചൂടേറിയ മറ്റ് വർഷങ്ങൾ.
2021ലെ ശരാശരി അന്തരീക്ഷ താപനില സാധാരണയേക്കാൾ 0.44 ഡിഗ്രി സെൽഷ്യസായിരുന്നുവെന്ന് ഐഎംഡി റിപ്പോർട്ട് പറയുന്നു. 2016-ൽ, ശരാശരി വായുവിന്റെ താപനില സാധാരണയേക്കാൾ 0.71°C കൂടുതലായിരുന്നു. 2009-ൽ 0.55°C, 2017-ൽ 0.54°C ഉം 2010-ൽ 0.53°C ആണ്. 1901-നും കഴിഞ്ഞ വർഷത്തിനും ഇടയിലുള്ള 121 വർഷങ്ങളിൽ ശരാശരി താപനില സാധാരണയേക്കാൾ 0.63 ഡിഗ്രി സെൽഷ്യസ് വർധിച്ചു.
