കൊടുങ്ങല്ലൂര്‍ : ഫേസ്ബുക്കിലൂടെ പരിചയപ്പെട്ട വിദ്യാര്‍ഥിനിയുമായി കാറില്‍ കറങ്ങിയ യുവാവ് അറസ്റ്റില്‍. കൊണ്ടോട്ടി സിയാംകണ്ടം സ്വദേശി അമീറാണ് (23) പെൺകുട്ടിയുടെ വീട്ടുകാരുടെ പരാതിയിൽ അറസ്റ്റിലായത്.
ഹയര്‍ സെക്കന്‍ഡറിയില്‍ പഠിക്കുന്ന വിദ്യാര്‍ഥിനി രാവിലെ വീട്ടില്‍ നിന്ന് സ്കൂളിലേക്ക് പോവുകയാണെന്ന് പറഞ്ഞ് ഫേസ്ബുക്ക് സുഹൃത്തായ അമീറിനോടൊപ്പം കാറിൽ കറങ്ങുകയായിരുന്നു. പൊലീസ് നടത്തിയ അന്വേഷണത്തില്‍ ഇരുവരും ഇരിങ്ങാലക്കുടയില്‍ ഉണ്ടെന്ന് വിവരം കിട്ടുകയും തുടര്‍ന്ന് തന്ത്രപൂര്‍വം വിളിച്ചു വരുത്തി അറസ്റ്റ് ചെയ്യുകയായിരുന്നു.
പ്രതിയുടെ കാർ പോലീസ് കസ്റ്റഡിയിലെടുത്തിട്ടുണ്ട്.
