കുമരകം : പുതുവത്സരത്തലേന്ന് പൊലീസുകാരന്റെ വീടിന് നേരെ അക്രമ സംഭവത്തില് പ്രതികളെ കണ്ടെത്താനാവാതെ പൊലീസ്. വീടിന്റെ ജനലും വാതിലും അടിച്ച് തകര്ത്ത് ശേഷം ഭിത്തിയില് മിന്നല് മുരളി ഒറിജിനല് എന്നെഴുതിയ ശേഷം കടന്നുകളഞ്ഞ അക്രമികൾ വാതിന് വെളിയില് മലമൂത്ര വിസര്ജ്ജനവും നടത്തിയിരുന്നു.
സംഭവ സ്ഥലത്ത് നിന്ന് രണ്ട് ചെരിപ്പുകള് പൊലീസിന് കിട്ടിയതിന് പിന്നാലെ ഒരാളെ കസ്റ്റഡിയിലെടുത്തട്ടിരുന്നെങ്കിലും ഇയാള് കുറ്റം സമ്മതിച്ചിട്ടില്ല. വിരോധികളുടെ ചെരുപ്പും വസ്ത്രങ്ങളും ഉപേക്ഷിച്ച് മോഷണം നടത്തുന്ന സംഭവങ്ങള് കുമരകം മേഖലയില് നടന്നിട്ടുള്ളതിനാല് ചെരിപ്പിന്റെ ഉടമയെ തന്നെ സംശയിക്കാനാവില്ലെന്നാണ് പൊലീസിന്റെ നിലപാട്.
മിന്നല് മുരളിയ്ക്കായി ഇന്നു മുതല് തെരച്ചില് ഊര്ജ്ജിതമാക്കുമെന്നാണ് സൂചന. പൊലീസ് ഉദ്യോഗസ്ഥനായ ചെപ്പന്നൂക്കരി ചെമ്പിത്തറ ഷാജിയുടെ വീട്ടിലാണ് അതിക്രമം നടന്നത്.