ചെന്നൈ : സി.ഐ.എസ്.എഫ്. ഉദ്യോഗസ്ഥരുടെ പരിശീലനത്തിനിടെ അബദ്ധത്തില് വെടിയുണ്ട തലയിൽ പതിച്ച് 11കാരന് ഗുരുതര പരിക്ക്. തമിഴ്നാട്ടിലെ പുതുക്കോട്ടെ അമ്മാച്ചത്രത്താണ് അപകടം നടന്നത്. വീട്ടിലിരുന്ന ഭക്ഷണം കഴിച്ചുകൊണ്ടിരുന്ന പുകഴേന്തി എന്ന കുട്ടിക്കാണ് അപകടം സംഭവിച്ചത്.
വീടിന് നേര്ക്ക് വന്ന രണ്ട് വെടിയുണ്ടകളിൽ ഒന്ന് വീടിന്റെ ചുമരില് തറക്കുകയും രണ്ടാമത്തേത് കുട്ടിയുടെ തലയിലും തറയ്ക്കുകയായിരുന്നു.
കുട്ടിയെ ഉടന് തന്നെ സമീപത്തെ ആശുപത്രിയിലെത്തിച്ച് പ്രാഥമിക ശുശ്രൂഷ നല്കുകയും തുടര്ന്ന് മെഡിക്കല് കോളജ് ആശുപത്രിയിലേക്ക് മാറ്റുകയും ചെയ്തു.