കട്ടപ്പന: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ രണ്ട് പ്രതികൾ അറസ്റ്റില്‍. ചിന്നക്കനാല്‍ സൂര്യനെല്ലി കണ്ണംപള്ളിയില്‍ ശ്രീക്കുട്ടന്‍ (18), നെടുങ്കണ്ടം കല്‍കൂന്തല്‍ കുഴിയോടിയില്‍ രാജേഷ് (19) എന്നിവരാണ് പിടിയിലായത്.
മൊബൈല്‍ ഫോണ്‍ മുഖേന രാജേഷിന്റെ സഹായത്തോടെ ശ്രീക്കുട്ടന്‍ പതിനേഴുകാരിയെ പരിചയപ്പെടുകയും ബന്ധം സ്ഥാപിക്കുകയും ഇത് മുതലെടുത്ത് രാത്രി പെണ്‍കുട്ടിയുടെ വീട്ടിലെത്തി പീഡിപ്പിക്കുകയും ചെയ്തെന്നാണ് കേസ്.
ഇന്നലെ രാത്രി പെണ്‍കുട്ടിയുടെ രക്ഷിതാക്കള്‍ ഇവരെ പിടികൂടി ചോദ്യം ചെയ്തപ്പോഴാണ് പീഡനത്തെക്കുറിച്ചുള്ള വിവരം പുറം ലോകമറിഞ്ഞത്. പരാതിയുടെ അടിസ്ഥാനത്തില്‍ പൊലീസ് നടത്തിയ അന്വേഷണത്തിലാണ് പ്രതികള്‍ അറസ്റ്റിലായത്.
