അടൂര്‍: സ്കൂളില്‍ മോഷണം നടത്തിയ കേസിലെ പ്രതിയെ പിടികൂടി. കൊല്ലം മങ്ങാട് ശ്രീകുമാരപുരം നഗര്‍ ഹൗസ് നമ്ബര്‍ 71ല്‍ താഴത്തുതൊടിയില്‍ വീട്ടില്‍ സുധിയെയാണ് (52) ഏനാത്ത് പൊലീസ് കസ്റ്റഡിയിലെടുത്തത്.
നവംബര്‍ ഒന്നിനാണ് കേസിനാസ്പദമായ സംഭവം നടന്നത്. രാത്രിയില്‍ കടമ്പനാട് കെ.ആര്‍.കെ.പി.എം.ജി.എച്ച്‌.എസ് ആന്‍ഡ് വി.എച്ച്‌.എസ് ഓഫിസില്‍ കയറിയ പ്രതി അവിടെ സൂക്ഷിച്ചിരുന്ന 40,000 രൂപ മോഷ്ടിച്ച് കടന്നുകളയുകയായിരുന്നു.
മൊബൈല്‍ ടവര്‍ ലൊക്കേഷനും സി.സി.ടി.വിയില്‍ പതിഞ്ഞ ദൃശ്യങ്ങളും കേന്ദ്രീകരിച്ച്‌ നടത്തിയ അന്വേഷണത്തിലാണ് പ്രതിയെ കണ്ടെത്തി പിടികൂടിയത്. ഏനാത്ത് സി.ഐ സുജിത്തി‍െന്‍റ നേതൃത്വത്തില്‍ അറസ്റ്റ് ചെയ്ത പ്രതിയെ കോടതിയില്‍ ഹാജരാക്കി.
