മയ്യിൽ : ബാങ്ക് ഉദ്യോഗസ്ഥനെന്ന് തെറ്റിദ്ധരിപ്പിച്ച് ഫോണില് സന്ദേശം അയച്ച് പണം തട്ടിയെടുത്തു. മയ്യില് കടൂര് സുനീറാസില് ഹസന് കുഞ്ഞഹമ്മദിനാണ് പണം നഷ്ടമായത്.
കുഞ്ഞഹമ്മദിന്റെ മൊബൈല് ഫോണിലേക്ക് എസ്ബിഐ ഉദ്യോഗസ്ഥനെന്ന് തെറ്റിദ്ധരിപ്പിച്ച് മെസേജ് വരികയും തുടര്ന്ന് എസ്ബിഐ യുടെ വ്യാജ യോനോ ആപ്ലിക്കേഷന് വഴി 20000 രൂപ തട്ടുകയായിരുന്നുവെന്നാണ് പരാതി. എസ്ബിഐ യുടെ മയ്യില് ബ്രാഞ്ച് അക്കൗണ്ടില് നിന്നാണ് പ്രതി പണം പിന്വലിച്ചത്. സംഭവത്തില് മയ്യില് ഇന്സ്പെക്ടര് പി.കെ. മോഹിതിന്റെ നേതൃത്വത്തില് പോലീസ് കേസെടുത്ത് അന്വേഷണം തുടങ്ങി.