ചെറുപുഴ : പുളിങ്ങോം കരിയക്കരയില് വഴിയാത്രക്കാരിയായ യുവതിയെ കടന്നുപിടിച്ച യുവാവ് ചെറുപുഴ പൊലീസിന്റെ പിടിയിൽ. കാക്കയംചാലില് വാടകക്ക് താമസിക്കുന്ന സിനോജാണ് (35) യുവതിയെ കടന്നുപിടിച്ചു കേസിൽ അറസ്റ്റിലായത്.
ജോലി ചെയ്യുന്ന സ്ഥാപനത്തിലേക്ക് റോഡിലൂടെ നടന്നുപോവുകയായിരുന്ന യുവതിയെ ഓട്ടോയിലെത്തിയ പ്രതി ദുരുദ്ദേശ പൂർവ്വം കടന്നുപിടിക്കുകയായിരുന്നു. അക്രമം ചെറുക്കുന്നതിനിടെ റോഡിലേക്ക് തള്ളിയിട്ട യുവതിയെ ഗുരുതരമല്ലാത്ത പരിക്കുകളോടെ ചെറുപുഴയിലെ സ്വകാര്യ ആശുപത്രിയില് പ്രവേശിപ്പിച്ചു.
യുവതിയുടെ മൊഴി രേഖപ്പെടുത്തിയ പൊലീസ് പ്രതിയെ അറസ്റ്റു ചെയ്യുകയായിരുന്നു.