രാഷ്ട്രീയത്തിലേക്കില്ലെന്ന് അറിയിച്ചു തമിഴ് സൂപ്പർ താരം രജനികാന്ത്. താരത്തിന്റെ രജനി മക്കൾ മൻട്രം എന്ന സംഘടന രാഷ്രീയപരമായി പ്രവർത്തിക്കില്ലയെന്നും, ആരാധന സംഘടന മാത്രമായിരിക്കും അതെന്നും അദ്ദേഹം വ്യക്തമാക്കി.
ഈ ചുറ്റുപാടിൽ വിചാരിച്ച പോലെയല്ല കാര്യങ്ങൾ നടക്കുന്നതെന്നും, അതുകൊണ്ടു തന്നെ രാഷ്ട്രീയത്തിലേക്ക് തിരിച്ചു വരാൻ ഉദ്ദേശിക്കുന്നില്ലയെന്നും അദ്ദേഹം പറഞ്ഞു. പാർട്ടിയുടെ ഭാഗമായി തുടങ്ങിയ പോഷകസംഘടനകളും പിരിച്ചുവിട്ടിട്ടുണ്ട്.
ആരോഗ്യപരിശോധനയ്ക്ക് ശേഷം കഴിഞ്ഞയാഴ്ച യുഎസിൽ നിന്ന് മടങ്ങിയെത്തിയ രജനീകാന്ത് ഇന്ന് രാവിലെ ചെന്നൈയിലെ രാഘവേന്ദ്ര വിവാഹ ഹാളിൽ രജനി മക്കൾ മൻട്രത്തിന്റെ ജില്ലാ സെക്രട്ടറിമാരെയും മറ്റ് ഭാരവാഹികളെയും കണ്ടിരുന്നു. ആരാധക കൂട്ടായ്മയുടെ യോഗത്തിലാണ് രജനി തന്റെ തീരുമാനം അറിയിച്ചത്.