കോഴിക്കോട് : ഇന്നലെ കോഴിക്കോട് നടന്ന ബിജെപിയുടെ ഇലക്ഷൻ പ്രചരണ യോഗത്തിൽ പിസി ജോർജ് നടത്തിയ വിവാദ പ്രസ്താവനക്കെതിരെ എം എസ് എഫ് സംസ്ഥാന സെക്രട്ടറി റുമൈസ റഫീഖ് നൽകിയ പരാതിയുടെ അടിസ്ഥാനത്തിൽ സംസ്ഥാന വനിതാ കമ്മീഷൻ കേസെടുത്തു. “മാഹിയിലെ സ്ത്രീകൾ വേശ്യകളായിരുന്നു” എന്ന പരാമർശത്തിന്മേലാണ് കേസെടുത്തത്. മാഹി എന്ന പ്രദേശത്തിനെയാകെ അപമാനിക്കുകയും, മാഹിയിലെ സ്ത്രീകളെ അവഹേളിക്കുകയും, നാട്ടിൽ കലാപമുണ്ടാക്കാൻ ശ്രമിക്കുകയും ചെയ്ത പിസി ജോർജിനെതിരെ കേസെടുക്കണമെന്നായിരുന്നു പരാതിയുടെ ഉള്ളടക്കം.