റായ്പുര്‍: ഛത്തീസ്ഗഡ് സംസ്ഥാനത്തിൽ പുതിയ ജില്ലകൾക്കും താലൂക്കുകൾക്കും രൂപം കൊടുക്കുന്നു. ഛത്തീസ്ഗഡ് മുഖ്യമന്ത്രി ഭൂപേഷ് ബാഗലാണ് സ്വാതന്ത്ര്യദിനമായ ഇന്ന് നാലു പുതിയ ജില്ലകളും പതിനെട്ട് താലൂക്കുകളും പുതുതായി പ്രഖ്യാപിച്ചത്. സ്വാതന്ത്ര്യ ദിനാഘോഷത്തോടനുബന്ധിച്ച് റായ്പുരിലെ പോലീസ് പരേഡ് ഗ്രൗണ്ടിൽ ദേശീയ പതാക ഉയര്‍ത്തിയതിനു ശേഷം പ്രസംഗിക്കുകയായിരുന്നു അദ്ദേഹം.
സാരന്‍ഗഡ് -ബിലായ്ഗഡ്, മനേന്ദ്രഗഡ്, മൊഹ്ല മന്‍പുര്‍, ശക്തി തുടങ്ങിയവയാണ് പ്രഖ്യാപിച്ച പുതിയ ജില്ലകൾ. പുതിയ നാലു ജില്ലകൾ കൂടെ വരുന്നതോടെ ഛത്തീസ്ഗഡിലെ ആകെ ജില്ലകളുടെ എണ്ണം 32 ആവും. ഈ ദിവസം ഒരുപാട് സ്വാതന്ത്ര്യസമര പോരാളികളെയും രക്തസാക്ഷികളെയും ഓര്മിപ്പിക്കുന്നുണ്ടെന്നും അവരാറുണ്ടായിരുന്നത് കൊണ്ടാണ് നമുക്കിന്ന് സ്വതന്ത്രമായി ശ്വസിക്കാനാവുന്നതെന്നും മുഖ്യമന്ത്രി പ്രസംഗിച്ചു.
