ചുവന്ന ചെമ്പരത്തി നല്കിയതെനിക്ക്
ഭ്രാന്തെന്ന് വിളിച്ചു പറയാനായിരുന്നുവോ
എങ്കില് നിങ്ങള്ക്കു തെറ്റി,
എനിക്കേറ്റവും പ്രിയപ്പെട്ട പൂക്കളിലൊരുവളാണ് അവള് ചെമ്പരത്തി!!
രക്ത വര്ണത്തില് അഞ്ചിതളില്
ദിവസേന മൃദുവായി പുഞ്ചിരി തൂകിയവള്
അവളെനിക്ക് പ്രിയപ്പെട്ട കൂട്ടുകാരിയായിരുന്നു..
ആ ഞാന് നിങ്ങള് തന്ന ചുവന്ന ചെമ്പരത്തിക്കുട്ടിയെ
നിഷേധിക്കുമെന്ന് തോന്നുന്നുണ്ടോ..
ഇതൊരു ഭ്രാന്തിയുടെ ജല്പനങ്ങളായ്
തോന്നിയെങ്കില് നിങ്ങള്ക്കു തെറ്റി..
ഇതൊരുവളുടെ ,പൂക്കളെ അമിതമായി-
സ്നേഹിച്ചിരുന്നവളുടെ വാക്കുകള് മാത്രമാണ്.
അഞ്ചിതളില് ഇത്രയും മനോഹാരിയായിട്ടും,
ഭ്രാന്തിന്റെ അടയാളമായ് മാറിയ
അവളുടെ ആ ചുവന്ന ചെമ്പരത്തി പെണ്ണിന്റെ
ഏറ്റവും പ്രിയപ്പെട്ടൊരാളുടെ വാക്കുകള്
നയന രാധാകൃഷ്ണന്