തിരുവനന്തപുരം : ഒരിടവേളയ്ക്ക് ശേഷം സംസ്ഥാനത്ത് കൊവിഡ് കേസുകള് അനിയന്ത്രിതമായി വര്ധിക്കുന്നത് ഇന്ന് ചേരുന്ന മന്ത്രിസഭാ യോഗം ചര്ച്ച ചെയ്യും. ചില മേഖലകളില് കൂടുതല് നിയന്ത്രണങ്ങള് ഏര്പ്പെടുത്തുന്നത് സംബന്ധിച്ച് തീരുമാനമുണ്ടാകുമെന്നാണ് പ്രതീക്ഷിക്കുന്നത്. കേന്ദ്രനിര്ദേശ പ്രകാരം കൂടുതല് സൗകര്യങ്ങള് ഏര്പ്പെടുത്തേണ്ട ആശുപത്രികളുടെ പട്ടിക ആരോഗ്യമന്ത്രി യോഗത്തില് അവതരിപ്പിക്കും.
എല്ലാ ജില്ലകളിലും പരിശോധന വര്ധിപ്പിക്കാനുള്ള തീരുമാനം ആരോഗ്യവകുപ്പ് നേരെത്തെ എടുത്തിരുന്നു. ലോ റിസ്ക് രാജ്യങ്ങളില് നിന്ന് വരുന്നവര്ക്ക് കൂടുതലായി ഒമിക്രോണ് റിപ്പോര്ട്ട് ചെയ്യുന്നതാണ് ഇതിന്റെ കാരണം.
സംസ്ഥാനത്ത് ഇന്നലെ 9066 പേര്ക്കാണ് കൊവിഡ് സ്ഥിരീകരിച്ചത്. 24 മണിക്കൂറിനിടെ 63,898 സാമ്പിളുകളാണ് പരിശോധിച്ചത്.