കാഞ്ഞങ്ങാട് : സംസ്ഥാനത്തെ ആദ്യ സോളാര്‍ പാര്‍ക്കായ വെള്ളൂടയിൽ വേനല്‍ചൂട് കടുത്തതോടെ സോളാര്‍ പ്രദേശങ്ങളില്‍ പുല്ലില്‍ തീപടരുന്നത് പതിവാകുന്നു. ഏക്കര്‍കണക്കിന് ചെങ്കല്‍ പ്രദേശമായ ഈ ഭാഗം മുഴുവന്‍ വീട് മേയാന്‍ ഉപയോഗിക്കുന്ന പുല്ല് നിറഞ്ഞതായതുകൊണ്ടുതന്നെ ചെറിയ ഒരു പൊരി ഉണ്ടായാല്‍പോലും തീ പടരുന്ന അവസ്ഥയാണ്.
സോളാര്‍ പാര്‍ക്ക് വരുന്നതിന് മുന്നേ പ്രദേശത്തെ ജനങ്ങള്‍ ഇക്കാര്യങ്ങള്‍ സൂചിപ്പിച്ചെങ്കിലും അധികൃതര്‍ ചെവികൊണ്ടില്ല. സോളാര്‍ പ്രദേശം പല ബ്ലോക്കുകളായി തരംതിരിച്ച്‌ വേര്‍പെടുത്തിയെങ്കിലും തീ പടര്‍ന്നാല്‍ വെള്ളമൊഴിച്ച്‌ കെടുത്താനുള്ള സൗകര്യം ബന്ധപ്പെട്ടവര്‍ ഒരുക്കിയതുമില്ല.
പാര്‍ക്കിന് സമീപം താമസിക്കുന്ന പട്ടികവര്‍ഗക്കാരായിട്ടുള്ള കോളനിവാസികള്‍ തീ പരുമ്പോള്‍ ഭീതിയോടെ കഴിയുകയാണ്
