കോട്ടയം: നെറ്റ് ബോള്‍ പ്രാക്ടീസ് നടത്തുന്നതിനിടയിൽ 19-കാരന്‍ കുഴഞ്ഞു വീണ് മരിച്ചു. നാട്ടകം ഗവണ്‍മെന്‍റ് കോളജ് വിദ്യാര്‍ഥിയായ പനച്ചിക്കാട് ഇടയാടിപ്പറന്പില്‍ പി.ആര്‍. അരവിന്ദ്(19)ആണ് മരിച്ചത്. കോളേജിലെ എസ്‌എഫ്‌ഐ യൂണിറ്റ് കമ്മിറ്റി അംഗമായ അരവിന്ദ് കോളജിലെ രണ്ടാം വര്‍ഷം ബിഎസ്‌സി ഇന്‍ഡസ്ട്രിയല്‍ കെമിസ്ട്രി വിദ്യാര്‍ഥിയാണ്.
ഇന്നലെ രാത്രി കോളജ് മൈതാനത്തായിരുന്നു സംഭവം. സുഹൃത്തുക്കളോടൊപ്പം അരവിന്ദ് നെറ്റ് ബോള്‍ പ്രാക്ടീസ് നടത്തുകയായിരുന്നതിനിടെ കുഴഞ്ഞ് വീണ അരവിന്ദിനെ ഉടനെ ജില്ലാ ജനറല്‍ ആശുപത്രിയില്‍ എത്തിച്ചെങ്കിലും മരണപ്പെടുകയായിരുന്നു.
